Elimizdiń 14 oblysynan jáne Almaty men Astana qalalarynan kelgen 16 komanda «Men chempıonmyn!» balalar sportynyń aqtyq básekesine jınalyp, tórt kún boıy óz kúshterin baıqasady.
Bıylǵy oqý jylynda bul jobaǵa 12-14 jas aralyǵyndaǵy 200 myńǵa jýyq oqýshy qatysty. Bilim jáne ǵylym mınıstrliginiń qoldaýymen uıymdastyrylyp júrgen sporttyq dodanyń dem berýshisi, bastamashysy Soltústik Qazaqstan oblysy bolǵandyqtan, televızııalyq shoý baǵdarlama osymen ekinshi ret Maǵjan jerinde óz shymyldyǵyn aıqara ashty.
Qazaqstannyń ár qıyrynan kil saıdyń tasyndaı iriktelip kelgen komandalar bilim men biliktiliktiń, kúsh pen bilektiń arasalmaǵyn tarazyǵa salyp, júzden ozǵan jeńimpazdar men júldegerler túrli marapattarǵa ıe bolady.
О́mir Esqalı, «Egemen Qazaqstan»